Қазақстан әуежайларында иесі табылмаған жүкті не істейді?

Әуежай иесі жоқ багажды не істейді? Бұл сұраққа Алматы халықаралық әуежайының корпоративтік коммуникациялар департаменті жауап берді, — деп хабарлайды Massaget.kz тілшісі.

Материалдың толық нұсқасын МЫНА СІЛТЕМЕ арқылы Massaget.kz сайтынан оқи аласыздар.

Бұған дейін желіде «қайырымдылық акциясы» аясында иесі жоқ багаж небәрі 1099 теңгеге сатылатыны туралы хабарлама тарады. Бұл жарнаманы әлі де кездестіріп қалуыңыз мүмкін. Алайда Алматы Халықаралық әуежайы бұл ақпаратты жоққа шығарып, алаяқтардан сақ болуға шақырды. Ендеше иесі табылмаған багажға не болады?

Багаждың иесі табылмаса…

Әуежай аумағында табылған барлық ұмыт қалдырылған зат Қазақстан Республикасы Азаматтық кодексінің 245-бабына сәйкес Lost & Found бөлімінде 6 ай бойы сақталады. Жолаушылар өз заттарын алу үшін Lost & Found бөліміне жүгіне алады.

Алматы әуежайы өкілі иесі табылмаған багаж әуежай қоймасында 5 күн сақталатынын, содан соң авиакомпаниялардың бас офисіне жіберілетінін айтты.

«Егер жолаушы әуежайға келгеннен кейін өз багажын алмаса, ол халықаралық Алматы әуежайының қоймасында 5 күн бойы сақталады. Осы мерзім өткеннен кейін багаж тасымалдауды жүзеге асырған авиакомпанияның бас офисіне беріледі. Жолаушылар багаждың орналасқан жерін анықтау үшін рейс келген күннен бастап бес күн ішінде Lost & Found қызметіне хабарласып, өз багажын қайтара алады», — деді Алматы халықаралық әуежайының корпоративтік коммуникациялар департаменті өкілі.

Материалдың толық нұсқасын МЫНА СІЛТЕМЕ арқылы Massaget.kz сайтынан оқи аласыздар.

Источник: tengrinews.kz